而家個個都話要去做gym，到處都有連鎖gym room，咁多選擇究竟去邊間比較好？🤔 今日Sport Zone就幫大家總結五大最出名健身房！
24/7 Fitness #247fitness
全港最多分店嘅連鎖健身房！🔥分店遍佈全港各地，截至2024年10月總共有117間，平均每區6.5間，依家甚至拓展到內地、澳門、新加坡市場。24/7 Fitness 標榜零預繳、無入會費、明碼實價、無Hard Sell，每月只需$520就可以每日24小時、一周7日暢通無阻進入任何一個分店。儲物櫃為非上鎖開放式，有24小時錄影監控，有可上鎖獨立浴室及廁所房、但不設桑拿及蒸氣浴室。設備器械齊全，但視乎健身房的大小地區而有所不同 🤓
Anytime Fitness #AnytimeFitness
Anytime Fitness係一間著名美國健身品牌，係香港擁有28間分店，分店數量全港第二；佢同24/7 Fitness一樣提供24小時開放服務，會籍按月繳費$550，雖然場所面積不及其他大型場所，但會籍可通行全球超過5,000間分店😲，唔只限香港分店，即便出差外遊或旅行都無阻你的健身計劃！此外，會員可參加各種團體課程，如拉筋瑜伽﹑全身伸展運動、陰陽瑜伽班及高強度間歇訓練等，課程種類多元化，不論甚麼興趣的人都能夠滿足！
Pure Fitness #purefitness
Pure係融合健身及瑜珈課程的健身品牌，分為Pure Fitness及Pure Yoga兩種計劃。相比起前兩者，Pure 嘅定位比較高端，每月收費$1099起😎 Pure係全港有超過20間分店，大部分健身室設在港島區中環、銅鑼灣等商業區，地理位置優越，為上班族提供方便的健身場所。但相對地佢設施完善，且有多種團體課程選擇。
私教健身房 #私人健身房
相比起連鎖健身房，其實都有唔少健身教練自己開小型健身房專門為學生提供個人健身服務。學生唔使好似其他連鎖健身房咁同其他人輪流用器械，環境較為安靜可以專注上堂🤫 價錢都可能更加適宜，不過器材、開放時間同地區就無連鎖分店方便，但勝在舒適，某啲健身房仲有更加專業嘅器材～
康文署健身室 #康文署健身室
要講香港歷史最悠久健身房一定係康文署莫屬！康文署健身室在市區和新界都有。價錢亦都相比私人健身中心便宜許多，每月只需180蚊，全日制學生、60歲或以上的長者、殘疾人士仲可以有半價！🤑 不過就需要只要年滿15歲或以上，通過康文署「正確使用健身室設施簡介會」及測試，或者有認可相關資歷，例如大專院校健身課程，可以講門檻相對私人健身房高🧐 雖然康文署健身室質素比較參差不齊而且老舊，但有幾個比較，質素不下於連鎖健身室，甚至仲有海景～
如果大家鐘意呢類內容，下次Sport Zone再同大家分享下邊間康文署健身室值得推薦！
